Tuesday, 20 December 2016

Safar

Zindagi ka safar chale ho tum
Aage, bohot duur nikal chuke ho tum
Kai mudattein hui tumhara deedar nahi hua
Yunhi baarish ke saath saath beh jaate ho tum

Chalo aaj aik safar hum bhi chalein
Kuch ishq bhare shar hum bhi likhein
Tum milo na milo, dikho na dikho
Tumhari tareefon ki tazbeeh aaj hum karein

Tuesday, 1 November 2016

Mukaam

Safar mai mushkilein bohot hain par pyaar se aage bhadna hai
dil khoya hai tou kya, aankhon ke suroor ka istemaal karna hai

Yeh Khudayi meri nahi, Yeh rehnumai meri nahi
Mera tou bas woh hai, jisne gham mai haath choda nahi

Humsafar badal jaate hain, log aage nikal jaate hain
Magar mehboob aur hum, yahin sar rakh kar roz sojate hain

Woh chauraha hai, woh aik basti hai
jahan tumhara makaan hai, wahi mera mukaam hai.

Friday, 23 September 2016

Tum

Toote dil ka sahara ho tum, doobte insaan ka kinaara ho tum
Woh aarzoo jo puri na hui, uss aarzoo ki tamanna ho tum

Khayal tumhara dil ko bebas kar de
Ek nazar humare dil ko bagh bagh kar de

Bahaar ki kali, yeh shabnam ye ous
Inn sab ki khubsoorti se pare ho tum

Wednesday, 21 September 2016

Kyu

Kyu
Hai is dil ko sahare ki umeed?
Arey kyu
Chahiye isse koi ho dil ke kareeb?

Kyu
Roz uth kar mulaakaat ki baichaini hoti hai?
Arey kyu
Roz Iss dil ko tum se mohabbat hoti hai?

Kyu
dhoka khane ka gham nahi hai?
Arey kyu
tumhe apni jaan bhi dena kaafi nahi hai?

Kyu
lagta hai ki tum saath do ge sadaa?
Arey kyu
lagta hai ki mujh se karo ge tum wafaa?





Sunday, 18 September 2016

Ibaadat

Mile hum dono ik din aise
Bhichad gaye tou guzaara na ho jaise
Yeh ishq zubaan par tera naam baar baar laaye
Naam tera tazbeeh hogaya na jaane kaise?

Iss sabab Ibaadat ho tum meri
Tum se iss dil ka sukoon
Duniya aik taraf aur aik taraf tum
ik tarfa mera pyaar, aur aik taraf tumhara zulm

Yeh chaahat reh jaye gi adhoori meri
Tere na hone ka gham dil ko kha gaya
Tum ho, tou mai hun
Yeh hi zindagi hai meri

Muqamal rahe gi aashiqi meri
Mai rahun ya na rahun
Dil mai sirf tumhara naam rahe ga
Jab dua qabool hogi meri

Friday, 16 September 2016

Yunhi #3

Tum aasmaan ho
Aasmaan mai bekhof udta hua parinda ho
Zameen tumhari nahi
Tum aik aisi udaan ho

Yunhi #2

Jhoot kuch hota nahi
Sab taqdeer ka khel hai
Aaj zindagi bahar tou kal veeran hai